Hoxe é o Día das Letras Galegas, 17
de maio, escolleuse esta data porque en 1863, neste mesmo día, apareceu en Vigo
a primeira copia da obra de Cantares Gallegos de Rosalía de Castro, tamén se
considera como o comezo do Rexurdimento, o renacemento cultural do galego. Na
actualidade dedícase este día a homenaxear a unha persoa que destacara pola súa
creación literaria en galego ou pola defensa desta lingua.
Isto animoume a buscar algunha de
esas vellas poesías que teño perdidas. Repasando as que están en galego atopei
unha inacabada, polo que ó final refíxena e saíume o que tedes a
continuación:
Opresión:
Non é verdade que poidas
distinguir
a noite e o día, o branco e o
preto,
todo é segúndo quen o vai
dicir.
Miles de tentacións saltan en corro,
penetran o aire e a terra,
axustan e botan a chorro.
Ó redor está feita a trampa,
vai con coidado, non perdas a
vida
o fin do soño, o espertar da alma.
Miles de tentacións saltan en corro,
penetran o aire e a terra,
axustan e botan a chorro.
O teu tempo xa foi mercado,
os valores trocados en materia,
xa non tes nada, estás
acabado.
Miles de tentacións saltan en corro,
penetran o aire e a terra,
axustan e botan a chorro.
Sentir a morte a cada segundo,
velarotio inútil que se fai
eterno,
estás perdido no inferno do mundo.
Miles de tentacións saltan en corro,
penetran o aire e a terra,
axustan e botan a chorro.
Ten coidado pode ser moito peor,
xente sorrinte con ansia de
sangue,
nutre o seu ego ca túa dor.
Miles de tentacións saltan en corro,
penetran o aire e a terra,
axustan e botan a chorro.
Ó saír disimula o teu don,
faite torpe, insensíbel e vulgar,
mostra o muro nunca o corazón.
Miles de tentacións saltan en corro,
penetran o aire e a terra,
axustan e botan a chorro.
**********************
